قاسيەتتى رامازان ايىندا  كۋۆەيت يمامدارى الەم مۇسىلماندارىنا ساباق بولارلىق شارا ۇيىمداستىردى. بۇل تۋرالى «قامشى» پورتالى islam.kz سايتىنا سىلتەمە جاساي وتىرىپ حابارلايدى.

شىلدەنىڭ 3ء-ى كۇنى  كۋۆەيتتەگى يسلام ءدىنىنىڭ ەكى اعىمىن ۇستاناتىن، سۋننيتتەر مەن شييتتەر جانە ولاردىڭ باحرەيندەگى اعىمداستارى  العاش رەت كۋۆەيتتەگى ورتالىق مەشىتكە جينالىپ، قاسيەتتى جۇما نامازىن وقىدى.  بۇل تۋرالى «ءاس-سافير» باسىلىمى جازعان.

مەشىتكە جينالعان مىڭداعان مۇسىلماندارمەن بىرگە كۋۆەيتتىڭ ءامىرى دە ناماز وقىعان.

ولار بۇل ارقىلى الەم حالقىنا مۇسىلمانداردىڭ بىرلىگىنىڭ ءھام بەيبىتسۇيگىشتىگىن كورسەتپەك بولعان. سونداي-اق، وتكەن جۇماداعى  مەشىتتى جارىپ جىبەرگەن، سالدارىنان 27 ادام قازا تاپقان قاندى وقيعادان كەيىن؛ « بۇل بىرلىك  سەكتانت-راديكالدارعا ساباق بولسىن، بۇكىل الەم ءبىزدىڭ بىرىككەنىمىزدىڭ كۋاسى بولسىن»،  دەگەن ماقساتتى بەرىك ۇسىتانعان ەكى اعىمنىڭ وكىلدەرى ءبىر ءمازحابتا ناماز وقىعان.

نۇرزات توعجان